Presidenti Meta priti sot në një takim z.Besnik Muçi I cili u shkarkua nga KPA pas gjetjes së shkeljeve mbi deklarimet e pasurisë së tij, cka logjikisht e largon atë edhe nga detyra e anëtarit të Gjykatës Kushtetuese. Por ndërsa z.Muci sot ishte sërish në Kushtetuese dhe deklaroi se do të largohej nga ky post vetëm nëse e vendosnin koleget e tij të kësaj gjykate, Presidenti Meta ka bërë një hap tjetër duke I kërkuar atij që pranonte largimin nga Kushtetuesja.
Në njoftimin e shpërndarë nga Presidenca, thuhet se Presidenti Meta i kërkoi zotit Muçi që të vlerësonte mundësinë që të rishikonte qëndrimin e tij më të fundit për të kërkuar nga Gjykata Kushtetuese që të shprehej me vendim për të deklaruar përfundimin e mandatit të tij si gjyqtar kushtetues.
Ndërkohe vetë Besnik Muçi i deklaroi Presidentit Meta se, procesi i rivlerësimit kalimtar i kryer në Kolegjin e Posacëm të Apelimit ka qenë tepër diskriminues edhe për faktin e qëndrimeve të tij si gjyqtar kushtetues.
Ai i tha Presidentit Meta se nuk është politikan, por një jurist dhe duhet të veprojë si i tillë deri në fund për të kërkuar të drejtat e tij pranë çdo gjykate ndërkombëtare, vendimi i së cilës ka juridiksion ndaj Republikës së Shqipërisë.
Por zoti Muçi e garantoi Presidentin Meta se do të mirëkuptojë çdo veprim të mëtejshëm të Gjykatës Kushtetuese dhe Presidentit të Republikës, për të vijuar procesin midis tyre në lidhje me plotësimin e vakancave në Gjykatën Kushtetuese.
Presidenti Meta sqaroi se është në pritje të njoftimit nga Gjykata Kushtetuese për të rishpallur mënjehërë këtë vakancë për aplikim.
