Një ngjarje e rëndë është regjistruar në Lagjen 4 të qytetit të Pogradecit, ku një konflikt në familje ka përfunduar me plagosjen e një gruaje.
Sipas burimeve paraprake, bashkëshortët Bleona dhe Fatmir Xhaja janë konfliktuar në banesën e tyre, ndërsa gjatë sherrit gruaja ka mbetur e plagosur me thikë.
E lënduara është transportuar fillimisht në spitalin e Pogradecit, ku ka marrë ndihmën e parë mjekësore.
Për shkak të gjendjes së saj shëndetësore, ajo do të dërgohet me helikopter drejt Tiranës për trajtim më të specializuar.
Ndërkohë, policia ka shoqëruar bashkëshortin në komisariat dhe po punon për zbardhjen e plotë të rrethanave të ngjarjes.
Çifti, prindër të 3 fëmijëve, jeton në Greqi, por para pak kohësh kanë ardhur tek prindërit e autorit.
