Policia e Korçës ka ndaluar autorin e dyshuar të tentativës së vrasjes me armë zjarri të 48 vjeçarit, ngjarje kjo e ndodhur katër ditë më parë në lagjen nr. 6.
Falë bashkëpunimit me familjarët dhe avokatin e autorit të dyshuar, policia ka bërë me dije se 28 vjeçari J.H., është vetëdorëzuar në ambientet e komisariatit të Korçës.
28 vjeçari ishte shpallur në kërkim pasi për motive të dobëta, ka tentuar të vrasë me armë zjarri tip kallashnikov shtetasin I.H., i cili për pasojë ka mbetur i plagosur dhe më pas është larguar nga vendi i ngjarjes me një automjet në përdorim të tij.
Gjatë marrjes në pyetje nga Specialistët për Hetimin e Krimeve, shtetasi J.H., ka treguar edhe vendin ku kishte hedhur armën e krimit, e cila iu gjet dhe sekuestrua në cilësinë e provës materiale, së bashku me automjetin tip “BMË”.
Në bashkëpunim me Prokurorinë, vijojnë veprimet e mëtejshme procedurale.
