Figurat e njohura publike që dalin hapur kundër pasaportës së gjelbër, sa vijnë e rriten. Së fundmi, Novak Djokovic, tenisti pofesionist serb nuk ka pranuar të zbulojë statusin e tij të vaksinimit pasi e konsideron atë si shkelje të të drejtave të njeriut.
Djokovic thotë se njerëzit “po i japin vetes të drejtën” për të bërë pyetje në lidhje me statusin e vaksinës dhe “gjykojnë një person” bazuar në këtë status, duke përmendur këtu rastin e Australisë e cila paralajmëroi se lojtarët e pavaksinuar nuk do të marrin vizë për të hyrë në vend.
Numri një në botë i sportit të tenisit, Djokovic ka shprehur në mënyrë të përsëritur rezervat e tij për lojtarët të cilët nën presionin e humbjes së vendit, pranojnë të vaksinohen kundër Covid-19, pavarësisht kundërshtimit që kanë.
“Unë nuk do të zbuloj statusin tim, pavarësisht nëse jam vaksinuar apo jo. Është një çështje private dhe një hetim i papërshtatshëm. Njerëzit po shkojnë shumë larg këto ditë duke marrë lirinë për të bërë pyetje dhe gjykuar një person”, deklaroi sportisti.
Lista e artistëve, sportistëve, mjekëve, ekspertëve etj., të cilët nuk dorëzohen në luftën e tyre të mbrojtjes së lirisë së zgjedhjes përball detyrimit për të injektuar vaksinën, është e gjatë. Fatkeqësisht, pasojat me të cilat përballen janë të rënda, si në rastin e basketbollistit Kyrie Irving, i cili luan për skuadrën Brooklyn Nets në SHBA. Refuzimi i tij për të marrë doëzën anticovid, çoi në pezullimin e tij nga skuadra të cilën e përfaqësonte për kaq vite në ndeshjet e NBA.
