Kryeqyteti i Ukrainës vijon rezistencën, ndërsa lufta ka lënë gjurmë shkatërrimi kudo. Rrugët e Kievit boshatisen çdo ditë e më shumë, por jo të gjithë janë larguar.

 

Anton dhe Kristina janë dy të rinj që refuzojnë të lënë vendin e tyre.

 

Anton :
“Ne besojmë te forcat tona ushtarake, ato kanë parandaluar shumë avancimin e trupave ruse, unë besoj dhe shpresoj se kjo do të përfundojë shumë shpejt.”

 

Kristina :
“E besojmë vërtet që do të fitojmë. I besojmë shumë edhe presidentit tonë, Volodymyr Zelenski si dhe ushtarëve tanë.”

 

Dy të rinjtë tregojnë gjendjen kritike në qytetin jugor Herson, i cili gjendet nën kontrollin e plotë të ushtarëve rusë, teksa shprehen të shqetësuar pasi nuk arrijnë të kontaktojnë me të afërmit e tyre.

 

Anton :
“Disa ditë më parë në folëm me shokët që kemi në Herson , trupat ruse tani kanë marrë kontrollin e plotë atje dhe situata paraqitet shumë e keqe. Komunikimi është bërë shumë i vështirë dhe nuk e dimë se si janë, apo nses u ka ndodhur gjë.”

 

Kristina :

“Në zonat periferike të kievit situata është e tmerrshme, familjarët e mi u detyruan të largohen sa më shpejt, janë futur në strehime për të mbrojtur veten e tyre. Por gjyshi im ka qëndruar këtu , ai aktualisht po lufton në një ndër zonat që janë më problematike. Jam shumë e shqetësuar për të.”

 

Anton dhe Kristina shprehen se të afërmit e tyre që jetojnë në Rusi dhe Bjellorusi refuzojnë të besojnë se forcat ruse po luftojnë kundër Ukrainës duke vrarë civilë të pafajshëm. Kjo për shkak të propagandës së Moskës, e cila këmbëngul se bëhet fjalë vetëm për një operacion se synon objektivat ushtarake.

Leave a Reply

Your email address will not be published.