Kreu i Grupit Parlamentar të PS, Taulant Balla gjatë një takimi në Shushicë të Elbasanit, tha se reforma në drejtësi nuk do kursejë askënd, i kujtdo krahu politik qoftë ai:
“Kemi bërë reformën në drejtësi, por ne e dimë që gjithë kjo dallgë ka trazu Saliun, ka trazuar Saliun sepse ky Luli është kot. Por ne kemi bërë një sistem drejtësie që do të ndëshkojë edhe tanët, jo vetëm të tyret, por edhe ndonjërin nga tanët që e ka futur duart atje ku nuk duhet, ska për të shpëtuar.”
Ndërsa për Ministren e Sipërmarrjes Sonila Qato reforma në drejtësi është një nga arritjet më të mëdha të kësaj qeverie dhe rezultatet e saj kanë filluar të jenë të dukshme tashmë edhe për qytetarët.
“ Disa arritje të qeverisë janë reforma në drejtësi përmes procesit të vettingut i cili po dëshmon se sa i kalbur ka qenë sistemi i drejtësisë. Pa drejtësi ne nuk mund të vendosim dot asgjë. Kur përplasemi në dyert e gjykatës apo të drejtësisë të gjithë duhet të marrin shërbimin e drejtë.”
Sipas Qatos, tre janë prioritetet kryesore, nxitja e punësimit dhe brenda vitit të parë punësojmë rreth 25 mijë punonjës dhe brenda mandatit ti kalojmë 220 mijë punonjës, e dyta është nxitja e investimeve në cdo fushë”.
Taulant Balla, ministrja Qato, deputete te tjere te PS dhe drejtore rajonale moren pjese ne turin e llogaridhenies ne Shushice te Elbasanit.
