Qindra sportistë të moshës nga 7 deri ne 14 vjec ishin pjesmarrës në edicionin e pestë të turneut ndërkombëtar “select” për fëmijë dhe kadetë në sportin e taekondos, mbajtur në Tiranë.
Oganizimi i këtij evenimenti të madh në parkun olimpik “Feti Borova” nga akademia studenti, mE bashkepunimin e Federatës së Taekondosë bëri bashkë dhjetëra ekipe nga vende të ndryshme të rajonit dhe Europës, pa lënë mënjanë praninë e emrave të njohur të sportit të taekondos nga vendet fqinjë.
Seancat trajnuese të ditës së parë dhe garat e ditës së dytë të aktivitetit, konfirmuan interesin e madh për këtë sport.
Në vendin tonë janë qindra ekipe private që punojnë me fëmijet e moshave te ndryshme në taekondo, disiplinë e cila, pas futbollit, llogaritet të tërheqë një numër të konsiderueshëm sportistesh. /vizionplus.tv
