Shembja e gjimnazit “Sami Frashëri”, pas tërmetit të nëntorit, për PD përbën një akt korruptiv. Ish-deputetja Jorida Tabaku tha në rrjetet sociale se kryeministri Edi Rama nuk mund ta fshehë dot këtë fakt.
“Sado i zoti, gënjeshtari se fiton dot kurrë betejen me të vërtetën. Edi Rama dhe cirku i tij i rindërtimit nuk e fshehin dot dështimin dhe korrupsionin që fshihet pas shembje së gjimnazit Sami Frashëri. Nuk ka videomontazh manipulues apo projekt 3D që të mbulojë gënjeshtrat. Gjimnazi Sami Frashëri është prishur pa patur projekt për ndërtimin e tij dhe ndërtimi i tij nuk do të bëhet me fondet e BE por me lekët e taksapaguesve.”
Ajo i drejtoi disa pyetje kreut të qeverisë:
-
A u rehabilitua Sami Frasheri pak muaj para se te prishej dhe Veliaj tha qe rron me vite?
-
Me cfarë fondesh po ndërtohet Sami Frashëri? Veliaj dhe Ahmetaj thanë me fonde të BE, ndërkohë që BE thotë që nuk po ndërton asnjë shkollë në Tiranë me fondet e saj.
-
A është shpallur në buletinin e datës 27 Mars projektimi i ndërtimit të shkollës Sami Frashëri dhe anulluar me datë 21 Prill? Pra ku u prish me datë 24 Prill nuk kishte një projekt?
-
Ku është procedura e përfunduar e tenderit për shkollën Sami Frashëri pse nuk është bërë publike?
-
Pse shkollat e Ramës dhe Veliaj janë me kosto 4,5mln euro dhe të BE 700 000 euro?
Për pyetjet, Jorida Tabaku pret një përgjigje kur Edi Rama të gjejë kohë.
