Udhëheqësi suprem i Iranit, Ajatollah Ali Khamenei, ka mbetur i vrarë nga sulmet amerikane dhe izraelite, lajmi është konfirmuar nga Fox News.
Siaps medias amerikane udhëheqësit izraelitë kanë konfimuar se kompleksi dhe zyrat e Khameneit u shndërruan në rrënoja të shtunën në mëngjes, pas sulmit në qendër të Teheranit.
“Khamenei ishte autokrati më jetëgjatë i Lindjes së Mesme bashkëkohore. Ai nuk arriti të ishte i tillë duke qenë një kumarxhi. Khamenei ishte një ideolog, por një që ndoqi pa mëshirë ruajtjen dhe mbrojtjen e ideologjisë së tij, shpesh duke bërë dy hapa përpara dhe një hap prapa. Pikëpamja botërore e Khameneit u formësua nga anti-amerikanizmi dhe antisemitizmi i tij militant, të cilat u shfaqën për herë të parë në protestat e tij kundër Shahut të Iranit”, tha për Fox Neës Digital Behnam Ben Taleblu, drejtor i lartë i programit të FDD-së për Iranin.
Kujtojmë se Khamenei i lindur më 19 prill 1939, në Mashhad, në Iranin lindor, ishte midis aktivistëve islamistë që luajtën një rol qendror në revolucionin e vitit 1979 që rrëzoi Shahun e mbështetur nga SHBA-të, Mohammad Reza Pahlavi.
