Pas ngjarjeve të forta të ndodhura në Prime-in e fundit të spektaklit Ferma VIP, ku fermerja Fabjola Elezaj përdori një gjuhë të papërshtatshme ndaj moderatores Arbana Osmani, si dhe pati përplasje me fermerin DJ Bujaka, situata në fermë ka marrë një kthesë të papritur.
Gjatë ditës së djeshme, në ambientet e fermës mbërriti një zarf me vendimin e Agait, i cili njoftoi anulimin e televotimit të një nate më parë dhe hapjen e një televotimi të ri për publikun. A duhet të vijojë të qendrojë Fabjola Elezaj në Ferma VIP? Kjo është pyetja që AGAI i ka drejtuar publikut shqiptar, të cilët kanë ndjekur çdo detaje të spektaklit.
Pas këtij zhvillimi ka reaguar në rrjetet sociale Adioni, i cili shprehu mbështetjen e tij për Ola. “Perfeksioni nuk ekziston, gabimet falen. Ola e meriton të vazhdojë garën. Ajo është e fortë dhe e zgjuar, por është ende e re dhe mund të gabojë”, ka shkruar ai.
Kujtojmë se Adioni ishte pjesë e debatit që çoi në agravimin e situatës gjatë spektaklit të fundit. Ai doli në televotim përballë Mimozës, por nuk arriti të vazhdojë më tej garën, duke u eliminuar nga publiku.
/vizionplus.tv
