Një grup lokal xhihadistësh dyshohet se qëndron pas shpërthimeve vdekjeprurëse që u morën jetën rreth 300 personave dhe plagosën më shumë se 500 të tjerë në një seri sulmesh të koordinuara të dielën e Pashkëve në Sri Lanka.
Presidenti i vendit është vënë në shënjestër të akuzave për mosparandalimin e tragjedisë. Sipas Ministrit të Shëndetësisë, agjencitë ndërkombëtare të inteligjencës kishin informacione për rrezikun e një tragjedie të përmasave të mëdha dhe se objektivat ishin të qarta, kishat dhe destinacionet turistike. Më pas informacionet i ishin vënë në dispozicion agjencive të inteligjencës në vend por autoritetet nuk vepruan për parandalimin e sulmeve.
Bazuar në hetimet e deritanishme autoritetet besojnë se bombarduesit kanë pasur mbështetje ndërkombëtare. Për këtë, presidenti ka kërkuar ndihmën e të huajve për gjetjen e autorëve.
Pavarësisht dyshimeve se sulmet janë kryer nga një organizatë xhihadiste, policia ende nuk ka arritur në një përfudim të qartë.Asnjë grup nuk ka marrë përgjegjësinë për masakrën .
Dy grupet kryesore myslimane në Sri Lanka denuan sulmet e përgjakshme dhe kërkuan dënimin maksimal për të gjithë ata që janë përfshirë në ngjarjen e rëndë.
Sri Lanka e përgjakur të dielën e pashkës ka shpallur gjendjen e emergjencës dhe zisë kombëtare ndërsa një tjetër shpërthim ndodhi sot në kryeqytet pranë një kishe, fatmirësisht pa viktima.
24 persona të dyshuar janë arrestuar megithatë ende nuk janë të qarta lidhjet që ata kanë me 8 sumlet me bomba një dite më pare.
Budizmi është grupi më i madh fetar i Sri Lankës, që përbën rreth 70.2% të popullsisë, Hindutë dhe muslimanët përbëjnë respektivisht 12.6 dhe 9.7% ndërsa rreth 1.5 milionë janë të krishterë, shumica e tyre katolikë.
