Hajrulla Çeku nga Lëvizja Vetëvendosje deklaroi se rezultati i zgjedhjeve të parakohshme në Kosovë ishte një tronditje për skenën politike.
Gjatë një interviste për “Quo Vadis” në “Vizion Plus”, Çeku u shpreh se ky rezultat duhet të shërbejë edhe si një mundësi për reflektim për të vjetrit.
“Vota popullore në këto zgjedhje le shumë pak hapësirë për komente. Na është dhënë besimi dhe na duhet të themelojmë institucionet në një kohë sa më të shpejtë. Ky rezultat ka shkaktuar dridhje në të gjithë skenën politike, sidomos në gardën e vjetër politike të Kosovës, është moment reflektimi edhe për ta.”
