Zv.kryeministri Erion Braçe i ka konsideruar “politikë të ndyrë” reagimet e presidentit Ilir Meta mbi menaxhimin e situatës së pandemisë.
Përmes një postimi në “Facebook”, Braçe ka postuar një deklaratë të kreut të shtetit, ku ngre shqetësimin se situata e pandemisë në vend po shkon drejt katastrofës kombëtare.
Nga ana tjetër, ai ka shpërndarë foto të Metës, teksa zhvillon një mbledhje politike me 30 persona, duke shkelur masat e vendosura për parandalimin e përhapjes së virusit.
‘Politikë e ndryrë! Në Facebook: Katastrofë nga COVID! Në Vranisht: Vendosmëri për të përhapur vetë COVID-in, mbledhje politike me 30 vetë, pa maskë e asnjë masë! Kjo është politika e ndyrë çdo ditë’, shkruan Braçe.
