Qeveria australiane i ka anuluar vizën turistike Katie Hopkins, moderatores dhe komentueses politike britanike dhe e ka dëbuar atë prej vendit pasi ajo theu karantinën 14 ditore në hotel.
Anulimi i vizës u njoftua nga ministri i Punëve të Brendshme, Karen Andreës, e më pas u pasua edhe nga anulimi i kontratës së saj televizive për të prezantuar Big Brother VIP në Australi.
Policia e Uellsit të Ri Jugor në një deklaratë tha se Hopkins ishte gjobitur me 1,000 dollarë për mosmbajtjen e maskës.
Hopkins, 46 vjeçe, transmetoi një video të drejtpërdrejtë nga një dhomë hoteli në Sydnei të shtunën në mëngjes, duke përshkruar bllokimet e Covid-19 si “mashtrimi më i madh në historinë njerëzore” ndërsa shpjegonte edhe mënyrat sesi do ti shpëtonte rregullave të karantinimit.
Reagime të shumta ka patur edhe nga qyetarët asutralianë dhe britanikë duke e konsideruar largimin e Hopkins nga vendi si një veprim i një shteti diktatorial dhe në shkelje të të drejtave të njeriut.
