Shtetet e Bashkuara të Amerikës kanë njoftuar tërheqjen e asistencës ushtarake nga Mianmari dhe të gjitha lehtësirat e udhëtimit për zyrtarët, si një kundërpërgjigje për dhunën e ushtruar ndaj pakicës myslimane.
Zëdhënësja e DASH, Heather Nauert, tha se në aksionet e mëtejshme mund të përfshihen sanksione sipas legjislacionit amerikan për shkelje të të drejtave të njeriut. Ajo beri te ditur se po merret në konsideratë vendosja e sanksioneve ekonomike.
Sipas DASH, autorët e krimeve ndaj myslimaneve do të përgjigjen për veprat e tyre. Më shumë se 1 milionë myslimanë rohinja janë larguar për në Bangladeshin fqinj. Kombet e Bashkuara e kanë quajtur dhunën e ushtruar në Mianmar si një shembull të spastrimit etnik. Ndërsa liderë të ndryshëm të botës, kanë akuzuar udhëheqësen e Mianmarit Aung San Su Kji se ka heshtur përballë dhunës.
