Reshjet e shirave të nisura pasditën e kësaj të shtune kanë krijuar probleme në rrugën nacionale Skuraj-Burrel. Masive gurësh kanë rënë në asfalt duke u bërë burim aksidenti.
Në shumë vende rruga është e pakalueshme për automjetet e vogla për shkak të gurëve të mëdhenj mbi karrexhatë. Drejtuesit e mjeteve kanë ndaluar për të hequr gurët e më pas kanë vijuar lëvizjen drejt Tiranës apo Burrelit.
Që prej orës 16:00 në disa segmente në Shkopet rruga është vetëm me një kah lëvizjeje, ndërsa rreziku potencial është shembja e shkëmbinjëve që mund të kthehen në tragjedi.
Sipas tyre, asnjë punëtor nuk duket gjëkundi, edhe pse problemet nga reshjet e shiut ishin paralajmëruar prej dy ditësh nga sinoptikanët.
