Me 46 vota kundër dhe 54 kundër, parlamenti i Maqedonisë së Veriut hodhi poshtë një amendament të paraqitur nga partia kryesore opozitare, VMRO-DPMNE, për të zgjatur vlefshmërinë e pasaportave të vjetra deri në fund të këtij viti.
Deputetët e mazhorancës qeverisëse votuan kundër amendamentit, duke u shprehur se ky amendament bie ndesh me nenin 118 të Kushtetutës, i cili thotë se marrëveshjet ndërkombëtare të nënshkruara dhe të ratifikuara nga Kuvendi janë pjesë përbërëse e rendit të brendshëm juridik dhe nuk mund të ndryshohen me një ligj tjetër.
Në bazë të Marrëveshjes së Prespës, më 12 shkurt 2024, pasaportat që mbanin emrin e mëparshëm të vendit, “Republika e Maqedonisë”, nuk ishin më të vlefshme. Sipas marrëveshjes qytetarët duhet t’i zëvendësojnë dokumentet e udhëtimit duke i zëvendësuar emrin e ri të shtetit: Republika e Maqedonisë së Veriut./vizionplus.tv/
