Ligjvënësit në Kosovë debatuan këtë të martë në një seancë të jashtëzakonshme për miratimin e masave konkrete ekonomike dhe financiare për shkak të pasojave që ka shkaktuar Covid 19 në ekonomi.
Lëvizja Vetëvendosje bojkotoi seancën.
Por pas një ore debat, iniciativa e PDK-së nuk gjeti mbështetjen e deputetëve për pakon emergjente financiare prej 320 milionë eurosh.
Kryeministri në detyrë Albin Kurti, e cilësoi senancën të padobishme dhe u bëri thirrje qytetarëve të respektojnë masat për parandalimin e përhapjes së koronavirusit.
ALBIN KURTI
KRYEMINISTER NE DETYRE I KOSOVES“Parandalimi është e vetmja mundësi prandaj e kemi bërë orarin me një orë e gjysmë dalje. Gjithashtu i kuptojmë qytetarët që në mars kur binte borë ka qenë më lehtë qëndrimi në shtëpi. Nuk kemi zgjidhje tjetër. Duhet të qëndrojmë brenda dhe t’i respektojmë vendimet e Qeverisë. Duke ruajtur veten e ruajmë njëri-tjetrin. Lufta me Koronavirusin na e imponon solidaritetin, kur rrimë vetë por jemi bashkë. Koronavirusi është armik i padukshëm dhe tinëzar”.
Në Kosovë aktualisht janë 54 pacientë të sëmurë me Covid-19 të cilët po trajtohen në spital. Autoritetet e Shëndetësisë kanë konfirmuar për mediat se 10 prej tyre janë në gjendje të rëndë.
Situata nga Covid 19 paraqitet kritike në Maqedoninë e Veriut . Aktualisht raportohet për 854 të infektuar, nga të cilët 38 persona kanë humbur jetwn.
Në Shkup policia arrestoi 3 persona pasi shkelën orën policore. Një gjë e tillë ka shkaktuar zemërimin e banorëve tw cilwt protestuan, pasi sipas tyre, 3 të arrestuarit ishin në oborrin e banesës së tyre.
Këto janë pamjet e banorëve të cilët rreth orës 22 të mbrëmjes dolën nga shtëpitë e tyre në shenjë revolte kundër arrestimeve te policise. Por pas lirimit, protestuesit u tërhoqën.
Nderkohe Covid 19 i ka marrë jetën edhe dy personave të tjerë në Greqi, duke e çuar numrin e viktimave në 101. Autoritetet thane se po planifkohet krijimi i një banke për grumbullimin e gjakut të plazmës së pacientëve të shëruar, për të trajtuar pacientët e infektuar, një metodë e cila po zbatohet aktualisht për kurimin e të infektuarve.
Në Serbi numri i viktimave është rritur në 85, viktima më e re është një i ri 25 vjeçar. Ndërkohë autoritetet po mendojnw edhe zhvillimin e ceremonive fetare te Pashkeve me kushte te percaktuara.
RENDOHET BILANCI NE BALLKAN
RRITET NUMRI I VIKTIMAVE DHE TE INFEKTUAREVE NGA COVID 19
