Ish-deputetja e LSI, Klajda Gjosha deklaroi se opozita nuk do të lejojë që të infektuarit me COVID të mos votojnë dot në 25 prill.

 

Ajo reagoi pas një deklarate të kryeministrit Edi Rama pak ditë më parë, që tha se në të njëjtën mënyrë kanë vepruar edhe vende të tjera. Gjosha e quajti këtë akt diktatorial.

 

“Sipas parashikimeve ligjore, personave të sëmurë u sigurohet vota në shtëpi apo në spital. Shembulli i fundit ishin zgjedhjet parlamentare në Kosovë, ku rreth 140 ekipe të veçanta me mjekë, policë dhe specialistë të zgjedhjeve, mundësuan votën në banesë për të infektuarit me Covid-19 dhe familjarët e tyre. Të njëjtën gjë si Kosova bëri dhe Maqedonia e Verioriut për zgjedhjet në korrik të 2020. E vetmja qeveri në Ballkan që nuk arrin jo nivelet europiane por as nivelet minimale të demokracisë të rajonit, është qeveria shqiptare. Kjo është sjellje tipike diktatoriale dhe që nuk njeh të drejtat themelore të vetë shtetasve të saj, që vjen nga frika e humbjes së zgjedhjeve, pasi të sëmurët me COVID-19 janë ata që e kanë vuajtur më rëndë dështimin e kësaj qeverisje dhe janë votë kundër. Prandaj dhe është mision i qeverisë ta zhdukë këtë votë. Të bashkuar nuk do ta lejojmë në asnjë mënyrë këtë akt diktatorial. Të gjithë shtetasit shqiptarë me të drejtë vote do të votojnë në 25 prill për t’i dhënë fund kësaj keqqeverisje që nuk respekton asnjë të drejtë bazike të qytetarëve të saj!”

Leave a Reply

Your email address will not be published. Required fields are marked *