Kryeministri Edi Rama shpërtheu në sulme edhe ndaj presidentit Ilir Meta gjatë fjalimit të tij në sheshin “Skënderbej”.
Në mitingun përmbyllës të PS në Tiranë, kreu i qeverisë deklaroi se është turp kush voton për Metë. Sipas tij, në 25 prill ai duhet të dërgohet në shtëpi.
“A ia vlen t’i rrisësh vetes taksën që të çoni Lulin të flejë gjumë në kryeministri? Ai ka dy shtëpi. Një pas kryeministrisë, një tjetër më andej. Ka një në plazh. Një afër Likes, që kur shkon ha ‘pëllëmbë’. Të gjithë duhet të votoni për PS. Kini parasysh që nuk është Luli, se me atë rregullohemi s’ka problem. Problemi është gjetkë. Të mendosh sot për fëmijët do të thotë të mendosh edhe për vajzën e Ilir Metës. E cila siç thotë dhe Ilir Meta thotë; babai mos pi, kthehuni në shtëpi. E pra në 25 prill çojeni në shtëpi Ilir Metën. Boll! Mjaft. Ilir Meta duhet të shkojë në shtëpi. Është turpi ynë. I të gjithë popullit shqiptar. Është turpi që Shqipëria ka mundur të këtë aty në krye. Ai turp duhet zhbërë, Turp kush voton Ilir Metën. Turpëron familjen, turpëron veten, të gjallë e të vdekur në shtëpinë e tij.”
