Kreu i vendit, Edi Rama, ndodhet në Delvinë në sheshin e qytetit, në një takim me qytetarët për zgjedhjet e 25 qershorit.
Rama ka thënë se Partia Socialiste e ka dhënë provën se vetëm ajo mund të bëjë shtet, por varet nga shqiptarët nëse ata do t’ia japin sërish PS-së timonin për drejtimin e qeverisë.
“Me 641 kantiere nga veriu në jug që transformuan hapësirat publike, sheshet, parqet, blloqet e banesave, rrugët dhe qendrat turistike, kulturore e historike, programi Kombëtar i Rilindjes Urbane hapi 49326 vende të reja pune për shqiptarët.
Kujdesi, rindërtimi dhe zhvillimi sollën më shumë punësim, më shumë turistë, më shumë të ardhura, më shumë ekonomi”, është shprehur Rama.
