Katër policë në Lezhë janë pezulluar nga detyra. Policë të forcave të posaçme “Shqiponja” një ditë më parë postuan një video në rrjetet sociale, ku shfaqeshin në festën e ditëlindjes së shefes.
Gjatë festës, ata kanë qëlluar me armë zjarri në ajër. Sipas burimeve, të pezulluar nga detyra janë inspektorët R. P., Xh. N., A. Sh. dhe R. M.
Mësohet se nga strukturat e SHÇBA-së ka filluar procedimi penal për këta punonjës, ndërsa hetohen për “Sjellje të rëndë diskretituese”.
