Tre persona kanë rënë në prangat e policisë së Korçës, nën akuzën e shpërdorimit të detyrës, duke i shmangur masën administrative një subjekti tregtar, në këmbim të rryshfetit.
Në sajë të operacionit të koduar “Pritja”. Është bërë arrestimi i shtetasve Maluen Hoxha, 30 vjeç, Alban Kapo, 28 vjeç dhe Idajet Vrapi, 28 vjeç, të tre me detyrë punonjës të Hetimit Tatimor pranë Drejtorisë së Përgjithshme të Tatimeve Tiranë.
Sipas policisë këta punonjës në bashkëpunim me njëri-tjetrin, dyshohet se kanë shpërdoruar detyrën, pasi kundrejt një shume prej 30.000 lekë, kanë favorizuar një subjekt tregtar në qytetin e Korçës.
