Vlora çel sezonin turistik, aktivitete përgjatë dy ditëve në qytetin bregdetar

Vlora çeli zyrtarisht sezonin turistik 2026. Për dy ditë radhazi, më 9 dhe 10 maj, qyteti bregdetar do të sjellë një atmosferë ndryshe përmes aktiviteteve të shumta, të cilat kanë nisur këtë të shtunë dhe do të vijojnë edhe përgjatë gjithë ditës së diel.

Në një prononcim për mediat, kryetarja e Bashkisë Brunilda Mersini ka prezantuar aktivitetet që do të zhvillohen në dy ditët e çeljes së sezonit turistik.

Mersini ka theksuar se Vlora pret një sezon edhe më cilësor këtë vit.

Aktualisht, qyteti numëron rreth 20 mijë shtretër akomodimi, ndërsa gjatë verës pritet të shtohen njësi të tjera, për shkak të interesit dhe prenotimeve të larta nga turistët vendas dhe të huaj.