Të paktën 31 persona kanë humbur jetën si pasojë e zjarreve masive në Portugali. Sipas autoriteteve, 145 vatra zjarri vijojnë të jenë aktive në të gjithë vendin, ndërsa shërbimet zjarrfikëse po punojnë për neutralizimin e flakëve. Më shumë se 50 vetë janë plagosur, ku 15 janë në gjendje të rëndë, si pasojë e djegieve që kanë pësuar. Autoritetet kanë evakuuar qindra familje.
Një gjendje e jashtëzakonshme është njoftuar në veri të lumit Tagus, teksa më shumë se 6000 zjarrfikës po luftojnë me flakët. Ndërkohë si pasojë e zjarreve, 3 persona kanë humbur jetën edhe në rajonin e Galicës në Spanjë. Ndërsa në Irlandë, një person ka gjetur vdekjen nga uragani ‘ophelia’.
