U deshën dy grabitje spektakolare dhe një “ luftë ” mes qeverisë dhe koncesionarit, që në aeroportin e Rinasit , të merren masat për të rritur standardin e sigurisë.
Marrëveshja e firmosur nga policia e shtetit dhe TIA, tashmë parashikon investime dhe një bashkëpunim më të ngushtë me uniformat blu.
Pas grabitjes së fundit në prill të këtij viti aeroporti ndërkombëtar Nënë Tereza u mor në ruajtje në rrethimin e jashtëm nga ushtria ndërsa edhe policia e shtetit u angazhua me sigurinë në pistë.
Sipas marrëveshjes së bashkëpunimit TIA do të investojë edhe për të rikonstruktuar komisariatin e policisë kufitare të Rinasit.
