Drejtori i Përgjithshëm i Policisë së Kosovës Rashit Qalaj, ka zhvilluar këtë të mërkurë një takim me drejtorët e policive të dy shteteve, asaj të Shqipërisë dhe të Maqedonisë.
Në këtë takim është diskutuar për avancimin e mëtejshëm të bashkëpunimit ndërinstitucional, i cili do të ndikojë në ngritjen e sigurisë së përgjithshme te të tri vendet dhe më gjerë.
Gjithashtu në këtë takim është theksuar dhe qëllimi i bashkëpunimit dhe bashkërendimit të aktiviteteve policore do të ndikojë në mënyrë pozitive edhe në parandalimin e krimit të organizuar dhe atij trans-kufitar.
Në fjalën e tij drejtori Qalaj falënderoi dy drejtorët e policive Ardi Veliu dhe Sasho Tashevski për vizitat e tyre të cilat do të shërbejnë për të forcuar bashkëpunimin reciprok.
Ndërkohë drejtuesit e të tri agjencioneve u zotuan për ngritjen e mëtejme të bashkëpunimit dhe realizimit të takimeve të ndërsjella edhe në të ardhmen.
