Kina kërkoi sot që të evitohen të gjitha përshkallëzimet e situatës në Siri pas sulmeve amerikane kundër një baze ushtarake të regjimit të Damaskut, duke dënuar përdorimin e armëve kimike, nga çdo vend.
Ky reagim vjen në momentin që agjencia zyrtare kineze e lajmeve, Hsinhua, njoftoi se presidenti amerikan Donald Trump, që urdhëroi sulmet në siri, gjatë takimit në Folrida me homologun e tij kinez Xi Jinping, pranoi të zhvillojë një vizitë në Kinë në vitin 2017.
Presidenti Trump njoftoi sot se ka urdhëruar sulme ndëshkuese kundër regjimit sirian të Bashar al Asadit, të cilin e akuzon se ka zhvilluar një sulm të tmerrshëm me armë kimike kundër civilëve të pafajshëm në rajonin e Khan Cheikhoun.
“Jemi thellësisht të tronditur nga sulmi që shënjestroi Khan Cheikhoun, që ne e dënojmë me forcë (…) Ne i kundërvihemi përdorimit të armëve kimike, nga cilido vend apo organizatë, ciladoqoftë rrethana dhe objektiva”, theksoi Hua Chunying, zëdhënëse e Ministrisë kineze të Punëve të Jashtme.
