Kryeministri Edi Rama lajmëroi këtë të enjte se biznesi i vogël dhe ata familjarë që nuk punojnë gjatë periudhës së pandemisë nuk do të duhet të paguajnë qira.
Eksperti i Ekonomisë në Partinë Demokratike, Dorian Teliti ka reaguar pas njoftimit të kësaj mase lehtësuese, duke thënë se kur vjen puna tek pagesat e faturave të dritave apo të ujit, kryeministri Edi Rama nuk toleron.
“Qira mos paguani ama drita dhe ujë po. Çfarë shteti është ky? Kur vjen puna te faturat Rama thotë me dhunë do t’i paguani se më duhen lekët…ama qiratë mos i paguani!” shkruan Teliti në “Twitter”.
Kjo masë ndalon qiradhënësit që të kërkojnë qiranë ndaj këtyre subjekteve. Në rast të kundërt, kreu i qeverisë paralajmoi se gjoba do të jetë e rëndë, ndërsa kërkoi që të denoncohet çdo rast.
