Mund të kenë kaluar shume muaj, që nga 3 tetori i vitit të kaluar, atëherë kur disa hajdutë grabitën Kim Kardashian në Francë. Por kjo ngjarje ende vazhdon të përflitet nga mediat. Familjarë të 36-vjeçares kanë reaguar shumë pak në intervistat e dhëna, por Kim ende nuk ka thënë asgjë në lidhje me këtë temë. E fundit që ka folur për ngjarjen ,ishte nëna e saj Kris Jenner, e cila në emisionin e Ellen DeGeneres, u shpreh se ate moment e kanë vuajtur të gjithë.
Tepër realiste, mamaxherja tregon: “Askush nuk mund të kalojë diçka kaq të rëndë pa u bërë njëherë histerik. Nervozohem ende kur e mendoj se po flas për këtë gjë. Në episodet e këtij sezoni të reality showt tonë, Kim ka folur edhe për ngjarjen. E dëgjova për disa momente dhe u ndjeva shumë keq. E gjithë kjo është vërtetë e frikshme. Besoj se është normale të vuash edhe vet kur diçka e tillë i ndodh një personi që e do shumë.”
Kris vijon intervistën duke thënë: “Xhirimet e reality showt pas grabitjes në Paris, ishin si një terapi për Kim. Ne praktikisht jetojmë bashkë dhe kur filluam xhirimet ajo u bë pak më aktive, na tregonte gjithçka që kishte ndodhur dhe kjo i erdhi në ndihmë.”
