Një shpërthim ka ndodhur në digën e pellgut Suviana, në Apeninet e Bolognese, pasditen e sotme rreth orës 15:00. Sipas medieve italiane, tre persona kanë humbur jetën, pesë janë plagosur dhe tre rezultojnë të zhdukur.
Operacionet për gjetjen e të zhdukurve janë të vështira, ndërsa dëshmitë e shpëtimtarëve janë dramatike: “Më dridhen këmbët”.
Lexo edhe :
Related Posts
Hidrocentrali Bargi, në komunën Camugnano, i përket Enel. E ndërtuar në bregun e liqenit Suviana, është më i fuqishmi në Emilia Romagna. Në vendin e ngjarjes ndodhen rreth 70 zjarrfikës, një numër i madh karabinierësh, kryetarë të bashkive malore të zonës dhe autoambulanca.
Lidhur me tragjedinë ka reaguar kryeministrja italiane, Girorgia Meloni.
“Po ndjek me shqetësim lajmin e tmerrshëm në lidhje me shpërthimin që ndodhi në një hidrocentral në pellgun artificial të Suviana, në Apeninet e Bolonjës”.
Kryebashkiaku i Camugnano: Duket se ka pasur një shembje të një papafingo
“Ajo që ndodhi në Suviana është një aksident shumë i rëndë: ne jemi ende në kërkim të të zhdukurve”, shkruan kryetari i bashkisë Camugnano, Marco Masinara.
”Duket se ka pasur një shembje të një papafingoje dhe operacionet e shpëtimit janë të vështira pasi ka hyrë shumë ujë. Nga unë dhe nga e gjithë administrata jonë, një ngushëllim të madh për njerëzit që nuk ia dolën dhe për familjet e tyre. Është një aksident i tmerrshëm në punë, një zhgënjim i madh: është prekur një komunitet i tërë, i yni dhe ai i Enel, i cili ka një lidhje të fortë këtu me të gjithë njerëzit që kanë punuar në uzinë për vite me radhë”./vizionplus.tv
