Obran sulmon udhëheqësit e PPE: “Idiotë” që i shërbejnë interesave të së majtës

Kryeministri hungarezë, Viktor Obran ka hedhur akuza në drejtim të kritikëve të tij në PPE.

Në një intervistë të dhënë për gazetën gjermane “Welt”, Obran deklaroi se anëtarët e parlamentit të BE që duan që Fidesz të përjashtohet nga Partia Popullore Evropiane janë disa “idiotë të dobishëm” për të majtën.

Sipas Obran, ata nuk po bëjnë gjë tjetër veçse po i shërbejnë intersave të kundërshtarëve të PPE.

“Përderisa ata besojnë se po bëjnë një luftë shpirtërore, në fakt po u shërbejnë interesave të të tjerëve, kundërshtarëve tanë.”

Udhëheqësit e partive të PPE , kryesisht ata të kristiandemokratëve dhe konservatorëve kanë kërkuar para pak ditësh që partia Fidesz e liderit hungarez të përjasthohet nga e djathta europiane.