Presidenti Bujar Nishani ka dekretuar këtë të hënë shkarkimin e 4 ministrave dhe emërimin në vend të tyre të 4 emrave të propozuar nga kryeministri Edi Rama.
Përmes një njoftimi për shtyp, presidenca Nishani dekretoi Fatmir Xhafajn si ministër të brendshëm, Ogerta Manastirliun si ministre të shëndetësisë, Olta Xhaçkën si ministre të mirëqenies sociale dhe Eduart Shalsin si ministër të pushtetit vendor.
Një ditë më parë kreu i shtetit Bujar Nishani konfirmoi se do t’i dekretojë të 4 propozimet e kryeministrit Rama për ministrat e rinj të qeverisë edhe pse ka shprehur rezervat e veta për njërin prej tyre, ministrin e brendshëm Fatmir Xhafaj.
