Nikolas Bushi është shpallur fitues i edicionit të dytë të spektaklit “Albania’s Got Talent”.
Në vend të dytë u rendit tenori Diego Zelka, një zë i fuqishëm e një talent i rrallë që la gjurmë të forta në këtë edicion.
Vendi i tretë iu besua djemve nga Kosova të grupit “Toxic Rekord”, të cilët me energjinë dhe origjinalitetin e tyre fituan simpatinë e publikut shqiptar.
Nikolas Bushi së bashku me Chris, ditën e sotme në studion e “Mes’dritë”, me dyshen e moderatorëve Alma Çelaj dhe Syrjan Rahova, rrëfeu emocioniet e para pas fitores.
“Është një kënaqësi shumë e madhe, nuk di çfarë të them. Është një emocion shumë i madh. Është kënaqësi të performoj në vendin e origjinës time”, tha Nikolas.
Një ndërhyrje në studio bëri Chris…
“Alma të them të vërtetën fitorja është e imja, Nikolasi pa mua nuk do ishte gjë”, tha Chris.
Fituesi i “AGT”, përshëndeti edhe tenorin Diego Zelka dhe tha se ishte kënaqësi e madhe që ndau skenën me artistët e “Albania’s Got Talent”.
“Diego është një artist fantastik, me shumë vlera. Uroj shumë sukses për Diegon dhe gjithë të mirat. Ishte kënaqësi e madhe të ndaja skenën me Diegon dhe gjithë artistët e Albania’s Got Talent”, tha Nikolas.
Nikolas foli edhe për planet e tij të ardhshme.
“Ndoshta do të bëj një shfaqje në Shqipëri”, tha ai.
