“Nëna, Dashuria, Ndarja”është një film dokumentar i realizuar në Dubai Emirate dhe Gjirin Persik, që tregon historinë prekëse të pasojave të emigracionit për nënat dhe familjet që vuajnë nga distanca dhe ndarja. Prodhuar nga 20aktori Aldo Sulollari, ky dokumentar ka për aktorë shqiptarë dhe persë dhe përshkruan realitetin e dhimbshëm të një kohe të gjatë ndarjeje nga fëmijët, për shkak të emigrimit.
Në një histori të ngarkuar emocionale dhe plot tension, “Nëna, Dashuria, Ndarja” shpalos pasojat e një fenomeni që ka prekur miliona njerëz, dhe që për shumë familje, ka krijuar një plagë të pashërueshme. Personazhet e këtij dokumentari janë ata që kanë jetuar dhe përjetuar këtë distancë të gjatë, të shoqëruar nga ndjenja të thella dashurie, por dhe dhimbje të papërshkrueshme.
Ky film është një “western” i vërtetë, në kuptimin e një drame, një përballje të vështirë me realitetin e një jete të shpërndarë dhe të ndarë nga kufijtë. Aldo Sulollari, një figurë e njohur e medias shqiptare dhe ndërkombëtare, i cili ka punuar si prezantues lajmesh dhe moderator në televizione në Shqipëri dhe më pas në mediat amerikane, sjell në këtë dokumentar një histori të pasur dhe autentike, duke pasqyruar një dhimbje kolektive të shumë individëve që janë të detyruar të jetojnë larg familjeve të tyre për shkak të emigrimit.
Ky dokumentar është një reflektim i thellë mbi çmimin e lirisë, të mundësive dhe sakrificave që vijnë me vendimin për të lënë atdhenë, dhe mbi mënyrën se si kjo ndikojnë marrëdhëniet dhe jetën e individëve që duhet të përballen me ndarjen dhe mungesën e pranishmërisë fizike të njerëzve të dashur.
