Ish-Presidenti Bamir Topi ka shprehur ngushëllimet e tij për familjarët dhe të afërmit e ish-Presdienti Bujar Nishani.
Nga studio e ‘Quo Vadis’ Topi tha se pavarësisht se ishte një humbje në moshë të re, Nishani la pas një veprimtari shumë të pasur në të gjitha fushat.
“E mora me trishtim lajmin për ndarjen nga jeta, ikje në moshë tepër të re. Disa gjëra njeriu nuk i ka në dorë, ndonëse në moshë të re por la pas një CV shumë të pasur në të gjitha drejtimet.
Ju e thatë që politika ka edhe përplasjet e veta por e rëndësishme është që në fund fare ajo që është pjesa strukturore është që duhet të mbesi një marrëdhënie njerëzore. Bujar Nishani e nisi si një anëtar i Partisë Demokratike dhe e mbylli si burrë shteti.” – tha Topi.
