Plarent Ndreca, kandidat për deputet i PS në Tiranë u përplas në studion e “Zgjedhje 2021” me Ermir Gjinishin, i dyti në listën e LSI-së në Elbasan.
Ndreca hodhi akuza drejt Gjinishit se opozita është me faj për vrasjen e në Elbasan, ku mbeti i vrarë Pjerin Xhuvani.
Pjesë nga debati:
Plarent Ndreca: O zotëri, ju keni vrarë dikë? Shefi yt i partisë thotë “kapni sfurqet” dhe ti rri merresh me atë si është situata në Elbasan.
Ermir Gjinishi: Ke Policinë e Shtetit në dispozicion, arrestoji njerëzit të cilët shkelin ligjin, cilëtdo qofshin.
Plarent Ndreca: Patjetër, more patjetër… Nuk e kam unë ore, e ka shteti shqiptar.
Ermir Gjinishi: E keni lënë popullin pa bukë, e keni lënë pa punë, kjo është historia juaj, jeni një bandë shtetërore.
Plarent Ndreca: Këto shko thuaja votuesve, këtu po flasim për një vrasje. Këtë shko thuaja votuesve dhe shihe a të votojnë apo jo… Na lini rehat deri më 25-Prill.
Ermir Gjinishi: Pse mo ça jemi ne që të lejmë rehat, që të vjedhësh gjithë Shqipërinë…
Plarent Ndreca: Jo mo, na lini si qytetarë po flas ore, na lini rehat, mos na vrisni
