Ministrja e Bujqësisë, Milva Ekonomi u përgjigj nëse në zgjedhjet e 25 prillit do të jetë kandidate në Durrës apo jo.
Gjatë një interviste për “Quo Vadis”, Ekonomi tha se ende nuk është marrë vendimi, por ajo u shpreh e gatshme për të kandiduar kudo.
Pjesë nga intervista:
-Jemi 4 muaj larg zgjedhjeve, do të jeni sërish kandidate në qarkun e Durrësit?
Unë shpresoj të konfirmohet së shpejti, unë do të jem e gatshme kudo që të jetë nevoja për të kandiduar.
-Sa synoni që të merrni në Durrës tashmë që keni edhe një ish ministër të LSI?
Ne si forcë politike duam të mbajmë numrin tonë patjetër, që është tetë.
