Meta dekoron Massimo D’alemen

Presidenti Ilir Meta i akordoi ish-kryeministrit të republikës italiane, Massimo D’alema, dekoratën “Nënë Tereza”. Në fjalën e mbajtur gjatë ceremonisë, ku te pranishëm ishin kryeministri Edi Rama, ministri i jashtëm Bushati, si dhe përfaqësues te trupit diplomatik, kreu i shtetit shprehu mirënjohjen per D’alemen, për mbështetjen e tij të vazhdueshme dhe të jashtëzakonshme në procesin e integrimit euroatlantik dhe evropian të Shqipërisë. Por presidenti Meta vlerësoi edhe mbështetjen që qeveria e drejtuar nga D’alema dha për ndalimin e gjenocidit dhe spastrimit etnik në Kosovë, si edhe ndihmën humanitare në mbështetje të një milionë qytetarëve të shpërngulur nga lufta.