Çfarë po ndodh me protestën në Shqipëri? Zogaj: Duhet të dalin me alternativë. Bushati: Duhet të ushtrojnë presion

Çfarë po ndodh me protestën në Shqipëri? Kjo ishte një tjetër pikë diskutimi këtë të enjte në “Të Paekspozuarit” të Ylli Rakipit në Vizion Plus.

Analisti Preç Zogaj theksoi se protesta tani duhet të dalë me një alternativë, në mënyrë që të sfidojë politikën e vjetër.

Ndërsa, për analistin Andi Bushati, protestuesit duhet të vijojnë të ushtrojnë presion, në mënyrë që të detyrojnë qeverinë të ndryshojë Kodin Zgjedhor.

Pjesë nga biseda:

Zogaj: Protestuesit duhet të dalin me një alternativë.

Bushati: Po u bëhen zgjedhjet me kushtet e para një viti, Rama do të fitojë edhe më shumë.

Zogaj: Këta kërkojnë ndryshimin e ligjit zgjedhor.

Bushati: Nëse duan të kthejnë rregulla të barabarta loje, duhet të vijojnë presionin.

Hila: Me këtë logjikë dalim te ajo që Rama ose vendos rregull, ose ikën. Me këtë logjikë, është t’i nënshtrohesh dhunës.