Akuzat e Berishës ndaj protestës, Bushati: Nëse në Shqipëri ndodh si në Hungari dhe Serbi, ajo që shkrihet është PD-ja
Analisti Andi Bushati, i ftuar në “Të Paekspozuarit” në Vizion Plus, ka komentuar sulmin e kryedemokratit Sali Berisha ndaj protestës.
Bushati tha se Berisha, duke parë atë që ndodhi në Hungari dhe Serbi, e ka të qartë se, nëse ajo situatë ndodh në Shqipëri, ajo që zhduket është opozita.
Sipas tij, thirrja e Berishës ishte për militantët e tij që të mos bashkohen me “Flamingot”.
Pjesë nga biseda:
Bushati: Unë jam përplasur edhe me ty në këtë studio dhe ende nuk e besoj se Rama dhe Berisha janë bashkë dhe merren vesh në distancë. Fatkeqësisht, Revolucioni i Flamingove po tregon se Rama dhe Berisha janë të destinuar të kacavirren te sistemi i vjetër. Kjo i bën ata aleatë.
Nuk kishte mjerim më të madh sesa të shihje Berishën duke goditur Flamingot, Arlind Qorin dhe gjithë partitë e tjera. Pse e bën Berisha këtë? Unë nuk jam nga ata që besojnë se Berisha e do këtë.
PD-ja sot ka një krizë më të madhe. Hungaria dhe Serbia treguan se, në përballjen e popullit me regjimin, regjimi e ruan eshtrën e vet. Në Serbi dhe Hungari janë shkrirë opozitat. Berisha ka nuhatur se përsëritja e së njëjtës trajektore në Shqipëri asgjëson edhe opozitën e vjetër.
Thirrja e Berishës dje ishte për militantët e vet: Mos u bëni Flamingo, sepse ata janë armiqtë tanë. Këtu ai bashkohet me Ramën.
