Amaris dhe Emel, dy vogëlushe shumë të ëmbla, ishin të ftuara në emisionin “7pa5” në Vizion Plus, me moderatorët Alma Çelaj dhe Syrjan Rahova.
Me pafajësinë e tyre, vogëlushet zhvilluan një bisedë të ngrohtë në studio ku fllën për konceptin e dashurisë sipas tyre, pasionin, ëndrrat që kanë kur të rriten. Gjithashtu të dyja vajzat dhanë opinione edhe për politikanët.
Pjesë nga biseda
Emel: Dashuria për mua është ku më japin dhurata ose më përqafojnë.
Amaris: Një përqafim dhe dhurata.
A i njihni politikanët?
Emel: Unë i shoh lajmet, por vëllai im jo. Unë jam ndryshe.
Ke dëgjuar për Edi Ramën? Sali Berishën? Ilir Metën?
Emel: Kam dëgjuar prindërit që ata (politikanët) gënjejnë të gjithë.
Çfarë pune bën Edi Rama?
Emel: Nuk e di.
Po ti Amaris?
Amaris: Nuk më pëlqejnë.
Çfarë dëshironi të bëheni kur të rriteni?
Emel: Unë dëshiroj të bëj balet dhe të bëhem mësuese baleti.
Amaris: Unë kur të ritem dua të bëhem në piktore.
Nëse do të kishit një superfuqi, çfarë do të dëshironit?
Emel: Të ishte shpejtësia sepse mund të bëj më shpejt balet.
Ndërsa Amaris nuk e kishte menduar ende se çfarë superfuqie do të donte.
Të dyja vogëlushet i premtuan mderatorëve se do të vinin sërish në studion e emisionit “7pa5”./vizionplus.tv