Lleshaj: Kemi prova të rëndësishme për grabitjen, Murataj nuk u vra nga shokët e tij

Ministri i Brendshem, Lleshaj pohoi ne studion e gazetarit Sokol Balla ne Vizion Plus se hetimet per grabitjen ne Rinas po ecin shume mire.  Ai shtoi se grabitesit fale edhe nderhyrjes se policise kane lene pas fakte te rendesishme per ta zbardhur ngjarjen.

Hetimet për grabitjen kanë ecur mirë. Janë mbledhur prova të shumta dhe të rëndësishme që do ndihmojne në zbardhjen e ngjarjes.Reagimi i fortë dhe i shpejte I policisë ka bërë që grupi kriminal të lërë pas disa prova mjaft të vlefshme. Unë kam thënë që banda ka marrë një goditje shkatërruese, jo se është shkatërruar. Besohet se kemi goditur kokën e bandës, por kjo mbetet të verifikohet.Mesa kam unë dijeni kemi dy furgona të djegur dhe një tjeter ne tentative.Kemi të bëjmë me një aksion të ndërlikuar ku kanë marrë pjesë disa persona. Ka qënë planifikim I thelle I grabitjes. Ju thoni pse nuk ka pasur arrestime apo veprime te shpejta? Une po them qe veprime te shpejta ka pasur ndaj personave qe supozohet se kane pasur dijeni per kete ngjarje.Ka prova te tilla qe garantojne sukses te mirefillte per te zbardhur ngjarjen por nuk mund te them se kur do te behen arrestime

Lleshaj shtoi se Admir Murataj, qe besohet se eshte edhe koka e grupit kriminal, nuk eshte eleminuar nga shoket e tij te bandes por eshte vrare gjate perplasjes se armatosur dhe shkembimit te zjarrit me policine.

Admir Murataj është vrarë në tentative e shkëmbimit të zjarrit me policine. Dua ta sqaroj këtë sepse ka pasur shumë aludime ndoshta edhe me dashje nga disa faktore. Natyrisht kjo mbetet për tu provuar shkencërisht por ndoshta ka pasur një përpjekje të qëllimshme për të zbehur punën e policisë. Sipas të gjitha të dhënave që kemi nuk na rezulton që anëtarët e tjerë të grupit të kenë vrarë Muratajn.