Kryeministri ukrainas, Denys Shmyhal, bëri publike ftesën e tij drejtuar Papa Françeskut për të vizituar Ukrainën.
Ai theksoi se formula e paqes e Kievit është diskutuar gjatë bisedimeve në Vatikan më herët gjatë ditës.
Duke folur në një konferencë shtypi në Romë, Shmyhal tha se u diskutuan gjithashtu aspekte të ndryshme të mbështetjes për Ukrainën.
Ai përsëriti se një delegacion kinez do të mbërrijë në Ukrainë pas telefonatës mes presidentit ukrainas Volodymyr Zelensky dhe presidentit kinez Xi Jinping të mërkurën, por nuk dha detaje shtesë për delegacionin, bën me dije CNN.
Xi dhe Zelensky folën me telefon të mërkurën , në bisedën e tyre të parë që nga pushtimi rus në Ukrainë.
Moska reagoi ndaj bisedës duke thënë se mirëpret të gjitha kontaktet që mund t’i japin fund konfliktit.
