Kriza e refugjatëve rrezikon BE-në

Turqia është zotuar të marrë të gjitha masat për të parandaluar fluksin e emigrantëve që hyjnë në Evropë përmes këtij shteti. Deklarata është bërë nga kancelaria gjermane Angela Merkel pas takimit kokë më kokë që ka mbajtur me homologun e sajt turk Dautoglu. Merkel tha se Ankaraja zyrtare e ka ndërmarrë hapin e parë, për vendosjen e vizave për shtetasit sirian, ndërsa shtoi se qeveria e Dautoglu do të kujdeset për strehimin e një pjese të konsiderueshme të refugjatëve që vijnë nga vendet në krizë. Ndërkohë në këmbim të këtij angazhimi, shteti turk ka marrë mbështetjen e plotë të kancelares per heqjen e vizave me zonën Shengen qe ne tetor te këtij viti. Kjo do t’i mundësonte qytetareve turq lëvizjen e lire ne 26 vendet e Shengenit. Gjatë këtij takimi, kryeministri turk ka folur edhe për rrezikun që Turqia dhe shtete të tjera kanë nga organizata terroriste ISIS. Ai kërkoi një bashkëpunim më të madh mes vendeve për të luftuar këtë kërcënim.