Kina ka paralajmëruar se një ndalim i propozuar për TikTok do t’i kthehet mbrapsht SHBA-së, përpara një votimi në Kongres që mund të çojë në ndalimin e aplikacionit.
Projektligji në Dhomën e Përfaqësuesve do të detyronte aplikacionin në pronësi kineze të ndërpresë lidhjet me Kinën ose të bëhet i padisponueshëm në SHBA.
Zyrtarët amerikanë kanë shprehur prej kohësh shqetësimin për TikTok, duke përmendur rreziqet e mundshme të sigurisë kombëtare.
Pronarët e TikTok kanë refuzuar vazhdimisht se ai përbën ndonjë kërcënim.
Përpara votimit të së mërkurës, zëdhënësi i ministrisë së jashtme kineze Wang Wenbin akuzoi SHBA-në për “shtypjen e TikTok” pavarësisht faktit se “asnjëherë nuk gjeti prova që TikTok kërcënon sigurinë kombëtare”.
“Kjo lloj sjelljeje ngacmuese që nuk mund të fitojë në konkurrencë të ndershme prish aktivitetin normal të biznesit të kompanive, dëmton besimin e investitorëve ndërkombëtarë në mjedisin e investimeve dhe dëmton rendin normal ekonomik dhe tregtar ndërkombëtar,” shtoi Z. Wang.
“Në fund, kjo në mënyrë të pashmangshme do të kthehet për të kafshuar vetë Shtetet e Bashkuara.”
Global Times, akuzoi SHBA-në për “sjellje të shëmtuar” dhe abuzim me “konceptin e sigurisë kombëtare” për të kapur aplikacionin “me dhunë”.
Siç është rasti me platformat e tjera të mediave sociale, TikTok është i ndaluar në Kinë. Përdoruesit në vend përdorin një aplikacion të ngjashëm, Duoyin, i cili është i disponueshëm vetëm në Kinë dhe i nënshtrohet monitorimit dhe censurës nga qeveria./vizionplus.tv
