Një 32-vjeçar është vënë në pranga nga policia, pasi akuzohet për përfitime të shumave të mëdha nëpërmjet mashtrimit kompjuterik.

Duke përfituar dhe nga situata e pandemisë, Denis Trungu nga Durrësi ka hapur llogaritë bankare për përfitimin e “Pagës së luftës”, në një bankë të nivelit të dytë.

Ai shfrytëzoi një hapësirë që gjendej në shërbimin bankar dixhital dhe arriti të kryejë 36 transaksione financiare në një vlerë 15.533.510 lekë të reja, në llogari të ndryshme të bankave të tjera të nivelit të dytë.

Pas transferimit të shumave të ndryshme, ai kryente tërheqje nga bankat ku ishin transferuar këto fonde, nëpërmjet kartave bankare ose duke u paraqitur vetë në bankë.

Gjithashtu, Trungu ka tentuar t’i tërheqë këto fonde dhe nga jashtë territorit të Shqipërisë.

32-vjeçari ka pasur precedent të mëparshëm penal.

“Ka qenë i dënuar me gjobë për kryerjen e veprës penale “Vetëgjyqësia”, nga Gjykata e Shkallës së Parë Durrës; I dënuar me 3 muaj burg për kryerjen e veprës penale “Veprime në kundërshtim me vendimin e Gjykatës”, nga Gjykata e Shkallës së Parë Durrës; I dënuar me 9 muaj burg për kryerjen e veprës penale “Mashtrimi” nga Gjykata e Shkallës së Parë Berat (aktualisht në proces në Gjykatën e Apelit Vlorë).”

Leave a Reply

Your email address will not be published. Required fields are marked *