Policia italiane arrestoi një 22 vjeçar shqiptar dhe sekuestroi 1,6 ton marihuane gjatë një operacioni në afërsi të Brindisit. I ndaluari është Abaz Mamo, ndërsa një tjetër shqiptar bashkëpunëtor i tij është shpallur në kërkim. Sasia e drogës e ardhur nga Shqipëria u gjet në një shtëpi fshati, e cila ishte kthyer në magazinë për ruajtjen e lëndës narkotike. Policia sekuestroi edhe dy pistoleta dhe një sasi municionesh.
