Nuk është e lehtë t’i mbash mend të gjitha, pasi këngëtari kanadez i ndërron ato më shpesh se mbathjet. Gjatë muajve të fundit ai është frekuentuar me Sofia Richie, Hailey Baldwin dhe një tufë vajzash të tjera, që ngjasojnë shumë me dy të parat.
E gjitha kjo në përpjekjen e dëshpëruar për të harruar Selena Gomez, gjë që duket gati e pamundur për Bieber, nëse do të llogarisim sa herë i është rikthyer asaj. Javën e kaluar ai u shfaq në pjesën e prapme të një makine me një vajzë të re, të cilën dukej se po e puthte kundër dëshirës së saj.
Por duke supozuar, që në makinë nuk është futur kundër dëshirës së saj, me shumë mundësi ishte thjesht momenti i keq ku është shkrepur fotoja. Po kush është vajza misterioze? Nuk është konfirmuar ende, por shumë media thonë se bëhet fjalë për modelen bukuroshe braziliane, Luciana Chamone.
