Kreu i AAK-së, Ramush Haradinaj ka folur për mediat pas mbylljes së qendrave të votimit në Kosovë. Haradinaj tha se zgjedhjet ishin të mira dhe ishte punuar shumë. Ai bëri me dije se nuk do të bëjnë koalicion me Vetëvendosjen të Albin Kurtit, ndërsa theksoi se ekziston mundësia e krijimit të një koalicioni mes partive opozitare, PDK dhe LDK.
Haradinaj: E kam vështirë me thënë saktë. Nuk jemi të kënaqur me sa thuhet. Jemi të interesuar me çfarë rezultate konkrete. Disa informacione që vijnë thuhet se jemi dyshifror. Kemi bërë shumë punë, e vlerësojmë besimin, mundi ynë ka rezultuar me fitoren e opozitës. Me të dyja nuk i ndajmë. Opozita e bashkuar e krijon një shumicë solide dhe i jep Kosovës qeveri të qëndrueshme dhe besoj se kjo ndodh. Nuk do bëjmë koalicion me Vetëvendosje. U gëzuam që opozita mund të bëjë qeveri. Kemi disa shqetësime me mënyrën e mbartjes dhe tërheqjes pa vëzhgues. Zgjedhjet janë të mira, është punuar shumë. Jam i kënaqur me fitoren e opozitës dhe i uroj sukses./vizionplus.tv
